ئایسکرێمی میوەیی ..فێربە

ماڵپەڕی خانمان ماڵێک بۆ خانمان Xanman.Home4T.coM

ئایسكرێمی میوه‌یی

200 گرام میوه‌ به‌ پێی ئاره‌زووی خۆتان

1 كوپ شه‌كر

1 دانه هێلكه

خوێ كه‌مێك

0.5 که وچک ڤانێلا

1 كوپ خواردنه‌وه‌ی گازدار (ماءالشعیر )

2 كوپ كرێم

سه‌ره‌تا له‌ناو ده‌فرێكدا میوه‌كان ورد بكه‌ن و له‌گه‌ڵ نیوه‌ی شه‌كره‌كه‌ له‌ناو خه‌لاته‌ی بكه‌ن تا به‌ ته‌واوی تێكه‌ڵ ده‌بێت. دواتر له‌ناو مه‌نجه‌ڵێكی بكه‌ن و له‌سه‌ر ئاگرێكی نه‌رمی دابنێن تا خه‌ست ده‌بێت. دواتر له‌سه‌ر ئاگره‌كه‌ی دایگرن و لێگه‌ڕێن با سارد بێته‌وه‌.

هێلكه‌كه‌ به‌ باشی لێك بده‌ن تا كه‌ف ده‌كات. خوێ و ڤانێلای بۆ زیاد بكه‌ن و تێكه‌ڵی بكه‌ن و تا قه‌باره‌ی زۆر ده‌بێت. خواردنه‌وه‌ گازداره‌كه‌ی بۆ زیاد بكه‌ن.

كرێمكه‌ له‌ ده‌فرێكی تر بكه‌ن و دواتر بۆ كه‌ره‌سته‌كانی زیادب كه‌ن و تێكه‌ڵی بكه‌ن.

دواتر تێكه‌ڵه‌ی میوه‌كان كه‌ ته‌واو سارد بۆته‌وه‌ له‌ناوی بكه‌ن و به‌ باشی تێكه‌ڵی بكه‌ن.

كه‌ره‌سته‌كه‌ له‌ناو ده‌فرێك بكه‌ن و سه‌ری دابخه‌ن و له‌ناو فرێزه‌ری دابنێن و دوای 2-3 كاتژمێر له‌ فرێزه‌ر ده‌ریبێنن و تا خه‌لاته‌ تێكه‌ڵی بكه‌ن تا نه‌رم ده‌بێت و دووباره‌ له‌ناو فرێزه‌ری دابنێنه‌وه‌.

ئه‌م كاره‌ هه‌ر 3 كاتژمێر جارێك 3 جار ئه‌نجام بده‌ن و دوای 24 كاتژمێر له‌ناو فرێزه‌ری دابنێن تا ئاماده‌ ده‌بێت.

نابێت ئایس كرێم له‌ناو فرێزه‌ر بیبه‌ستێت، به‌ڵكو ته‌نیا توند بێت.

سەبسکرایبی ئەم چەناڵە بکەن