ماسکێکی سروشت بۆخانمان بۆ لابردنی پەڵە

ماسکێکى سروشتى بۆ لابردنى پەڵە و پاکژکردنەوەى روخسار !!
.
.

جوانى روخسار کە هەموو خانمێک خوازیاریەتى، بە دروستکردنى چەند ماسکى سروشتى دەتوانى ئەم ئارەزووەت بهێنیتەدى و جگە لەوەش چارەسەرى کۆمەلێک گرفتى پێستى روخساریشت بکەیت.

بۆ ئەوەى پەڵەکانى پێست لا ببەیت و جوانى بۆ روخسارت بگەڕێنیتەوە هەموو جارێکیش پێویست بە ئارایشتکردن و سەردانى پزیشک نەکات ئەوا دەتوانیت بە سوودوەرگرتن لە چەند خۆراکێک و میوەیەکى سروشتى ئەم کارە بکەیت و ماسکی سروشتى دروست بکەیت.

ماسکى سروشتى شیر و لیمۆ یەکێکە لەو ماسکانەى وێراى ئەوەى کە دەموچاوت پاکژ دەکاتەوە ئەوا دەتوانێت پەڵەکانى روخساریش لابەرێت، چونکە شیر کۆمەلێک مادەى بەسوودى تێدایە کە هاوکارى بووژانەوەى خانەکانى پێست دەکات و لە هەمان کاتیشدا لیمۆ تایبەتمەندى پاکژکردنەوە و لابردنى چەورى هەیە.

کەرەستەکانى دروستکردنى ماسکى شیر و لیمۆ:

* پەرداخێک شیر.

* لیمۆیەک.

رێکارەکانى دروستکردنى ماسکى شیر و لیمۆ:

لەسەرەتادا شیرەکە بکوڵێنن تا هەندێک خەست بێتەوە و دواتر ئاوى لیمۆیەکە بگوشن و پاشان لەگەڵ شیرەکەدا تێکەڵى بکەن بەمەش گیراوەیەکى سروشتى دروست دەبێت کە دەتوانن وەک ماسکێک سوودى لێوەر بگرن.

ڕیکارەکانى بەکارهێنانى ماسکى شیر و لیمۆ:

دواى ئەوەى گیراوەکە ئامادە بوو دەتوانن بە سوود وەرگرتن بە پارچە لۆکەیەک بیدەن لە دەموچاوتان و بۆ ماوەى ١٥ خوولەک لەسەرى بووەستن پاشان بە ئاوى سارد بیشۆن، ئەگەر ئەم کردارە بۆ چەند رۆژیک دووبارە بکەنەوە کاریگەریەکانى لەسەر پێستان دەبێنن.

سەبسکرایبی ئەم چەناڵە بکەن