پێنج گیراوەی سروشتی یارمەتی نەهێشتنی خاڵی ڕەشی ڕوخسار دەدەن

بەگوێرەی هەواڵێكی ماڵپەڕی ئەلعەرەبیە پێنج گیراوەی سروشتی یارمەتی نەهێشتنی خاڵی ڕەشی ڕوخسار دەدەن ، لەگەڵ چرچی و هەندێك پەڵەی تری ڕوخسار .

لەخوارەوە ئەو گیراوانە لەگەڵ چۆنیەتی ئامادەكردن و بەكارهێنانیان بۆ ڕوخسار خراونەتەڕوو.

١- پەتاتە:

پەتاتە یەكێكە لەو سەرچاوە سروشتییانەی كە یارمەتی سپیكردنەوە و نەهێشتنی خاڵی ڕەشی سەر پێستی ڕووخسار دەدات. دەتوانن بڕێك پەتاتە لەتبكەن و دواتر بە دەستەكانتان بیفلیقێنن و پاشان بەهۆی پارچەیەك لۆكەوە بیدەن لەو شوێنەی ڕوخسارتان كە خاڵە ڕەشەكانی پێوەیە و بۆماوەی ١٠ خولەك پێوەی بێت و دواتر بەئاوی سارد بیشۆن.

٢- زەردەچەوە:

بڕێك لەزەردەچەوە لەگەڵ شەربەتی ئەناناس تێكەڵبكەن و بیكەن بەشێوەی هەویرێكی ئەستوور و بۆماوەی ١٠ خولەك بیدەن لەدەوری چاوەكانتان و دواتر بەئاوی سارد بیشۆن.

٣- كیسی چا:

دوو كیسە چای ڕەش یان سەوزی بەكارهاتوو بۆماوەی نیو كاتژمێر بكەنە نێو بەفرگرەوەو پاشان بۆماوەی ١٥ خولەك بەچاو نوقاوی بیدەن لەچاوەكانتان. دەتوانن ئەم كردارە ڕۆژانە دووبارە بكەنەوە.

٤- ڕۆنی گوێزی هندی:

ڕۆنی گوێزی هندی یەكێكە لەو ڕۆنانەی كە یارمەتی نەرمكردنەوە ونەهێشتنی خاڵی ڕەشی ڕووخسار دەدات و لەگەڵ ئەوەشدا ڕێگری لە دەركەوتنی چرچی لەناوچەی دەوری چاوەكانتان دەكات. دەتوانن ڕۆژی دوو جار بەو ڕۆنە ئەو شوێنانە مەساج بكەن تاوەكو ئەنجامی باش بەدەستبێنن.

٥- لیمەندۆزی:

گیراوەی لیمەندۆزی دەوڵەمەندە بەڤیتامین سی كە كاریگەری هەیە لەكردنەوەی پێستی ڕووخسار و بەوەش بەچارەسەرێكی كاریگەر بۆ خاڵی ڕەشی ڕووخسار دادەنرێت. دەتوانن لەڕێگەی پارچە لۆكەوە بڕێك لە گیراوەی لیمەندۆزی بدەن لەپێڵوی چاوتان و بۆماوەی ١٠ خولەك پێوەی بێت و دواتر بەئاوی سارد بیشۆن.

ماڵپەڕی خانمان 

بۆ بەرەو پێشچونی توانای خانمان لەسەرجەم بوارەکاندا..

سەبسکرایبی ئەم چەناڵە بکەن